Thursday, March 5, 2009

Sex video leh Malsawmtluangi Fanai (Youth Icon 2007)


Mizote rahchin apianga hrelo an awm lovang tihngam- Malsawmtluangi Fanai (Youth Icon 2007) chuan hetiang lamah bawk harsatna a tawk ve ta a. Hei hian Aizawl khawpui a sawinghing lawih a, Zo khaw lamah pawh ti ti lian ber a tling. Computer-ah a awm deuh vek tawh a, mobile phone-ah pawh a mikhual tawh lo hle.
An chenna In lam panin
Hemi chungchangah hian nimin chawhnu dar 3 vel khan an chenna Inah kalin, thil awmdan zawhchian kan tum a. Mahse, MS-i hi a zinchhuah lai tak anih avangin thil awmdan chiang taka hriat theih a ni lova. Network that tawk loh vangin biak pawh theih a ni bawk si lova, mahse a chhungte’n zan lama rawn ngaihven leh tura min hrilh hnu-ah office lam panin kan haw chho leh ta a.
Zan dar 7 velah kan be leh a, Aizawl lam panin an rawn chhuak mek tih a ni a. Kawnga an awm lai hian MS-i hian a chhungte bulah, "U Robert-a kha In-ah lo awm rawh se," a tih avangin kan han ngaichang leh hrih phawt te te a.
Kan thleng ta!
A hnu deuh lawkah chuan dar 8:30 vela an In lam pana kal tura sawmna dawng lehin, kan tlan thla leh ta a. Mahse, MS-i te hian kawngah harsatna neuh neuh an tawh avangin an rawn thleng lawk thei lova.
In-a kan thut hahchawlh hnu lawk hian Aizawl an rawn lut tihah a u bulah, 'An lo thleng tawh em?' tiin a zawt a, rilru nuam lo leh hrehawm ti tak chungin an lo thlen hun tur kan nghak a, darkar khat vel a liam tih-ah a nu nen an rawn thleng ta a.
A chhungte chuan thil sawiho tur pawimawh an neih thu sawiin, chhung-kua anga an sawi ho hma loh chu official anga engmah sawi theih a awm hrih lo an tih leh tak avangin thingpuite in hovin a zin kawng te kan han zawt nual a.
A hmu ve ta le
MS-i hian he video hi a la hmu lova nizan khan a hmu ve chiah a ni. Sawi tawh angin, a chhungte lamin thawm neih loh phawt an tih deuh avangin MS-i pawh hian thuawih takin a zawm mai a. A hmelah hlauh-thawnna leh chi-aina a lang miah lova.
Pachang takin a tuar a, huaisen taka hmachhawn a tum tih chu a hmel atangin a lang chiang reng a. Thu hahchawl hman lovin a in sil sawk sawk a, sitting room-ah lo thu pheiin, thil tam tak kan sawi a.
Hma lam panin
A chunga harsatna lo thleng chu pawi ti viau mahse, engkim anih tur ang ang a nih vek tawh avangin engmah a sawi lova, chhungte nena inrawn khawm hnu-a kal zel dan tur sawi tur an nih avangin engmah zawh zui a ni lo bawk.
MS, mangtha
A chhungte hi an felin an tha em em a, hun harsa tak an tawk mek chung pawh hian duhsak takin min lo lawm a, hlim taka kan inkawm hnu chuan dar 10:30 a ri ta reng mai a. Zinhah te an nih avangin kan inmangtha ta a ni.
MS-i chuan, "Ka thlaphang reng reng lo, min lo tawngtaipui dawn nia," tia min thlah hnu chuan Office lam panin kan inkhalh chhuak leh ta a ni. A hmalam hun turah engmah sawi chian a nei lova, engkim tithei Pathian kutah a innghat tawp a, a kaihhruaina ang zela kal a tum.

Mipui kan pawimawh
Tunah hian, Mizoram hmun hrang hrang atangin a chanchin ngaihven an tam hle a. Phone leh message hi an chhang seng lo a ni ber a. Hetiang hunah hian mipuite pawh kan thangharh a hun hle.
Tibuai lo thei ang bera kan awm tir hi a tul tak meuh meuh a. MS-i hian Hunthawl a mamawh a, hahchawlh a thlahlel ngawih ngawih a, a mimal nun leh zalenna hi i zah sak hram hram ang u.
Ngenna pawimawh
Tin, he thilah hian amah hi awmtha lo leh lerh em em anga sawi a ni mek bawk a, hei erawh hi chu hriat sual palh liau liau a ni a, a vanduai palh niin a lang.
Hei mai bakah a chungchang hi mak pui puia sawi a awm mek bawk a, thu puar-pawleng pawh a tam hle a ni. Hengte hi ama tawngka ngei atanga chhuak a nih loh chuan awihchin tawk thiam turin MS-i hian a duh tak zetin a ngen.

3 comments:

partinlawra said...

a ho mah mah buai vak tham leh bengkhawn poh a ngai ka va han ti hran pa lo e aw.A private life ah zoram mipui in rawlh vek kher poh atul lo.Engpoh lo ti se sex poh nise a sas nen an hmang dun ve ani mai a.Keini poh inneih hma pon kan hmang vek tho alom,kan bang chuang bik hlei nem,a nawl pui hi chu.Mobile pon inlaksak tok poh kan bo chuang lo a.A mah msi milar a nih vang mai a.Thilti sual lian bik em2 a puh poh a tul lo.Mipui hian kan hmangaih tak2 chuan tuman hethil thleng hi hrelo derin hai der vek ila.a felin zoram nun hi anuam mai ang.A mah lo pon midang pon anla ron tizel ngei ang hei aia turu fe pon.chuvang tak chuan tumah hi michungah in rawlh loin,ka chawm ka hrai an nih lemloh chuan engatan mah iva ti lo ngamin,ivan ngai poimoh lo ngam teh ang u.sual vei don pon mahni inen chian hmasak phot atha zel ani

myohla said...

Msi chungchang a mizoram mipui ten awm lo tak taka an sawi hi ka lo hria a, pawi ka ti khawp mai. Mizoram hi Christian za a za inti si hian mi chhiat na tur hi kan sawi peih in kan buaipui ka ti. Hmasawn na kan tan eng nge awm? mahni in zawt thin i la. kawng tha a lut leh tura tan lak ai in a chhia zawnga sawi kan peih a ni. pawi ka ti khawp mai. Mizoram nula tam tak pawh hi sex lam ah rapthlak tak tak sawi tur an awm. Zai thiam te pawh tam tam an awm ve tho. chuvangin mi chanchin sawi hi i bansan tawh ang u. Changkan lam i pan ve tawh ang u.

Mawia, USA Indianapolis

vanlal said...

Engatinge mi tam tak hi kan lo buai ve reng2 le a duh phot te chuan ti se tu poh hi a tha tak2 kan awmlo mi sualna kan hmu reng chuan keini sualna hmuh hi a har khop mai! Mipat hmeichhiatna kongah phei chuan chuti taka tha pumhlum kan om ka ringlo eh! A reng reng thuah kei chu hmeltha ka ti boka eng poh ti se a pangai rengin ka en ang..